Nos Website Ofisial —Útil pa den Sirbishi — BIBLIOTEKA ONLINE Watchtower

Nos Website Ofisial —Útil pa den Sirbishi

Dirigí Hende na Nos Website: Tin hende no tin masha gana di papia ku nos ni tuma nos literatura. Pero kisas nan lo ke buska informashon tokante Testigunan di Yehova riba jw.org ora nan ta nan so na kas. P’esei, si e okashon presentá, bisa otro hende di nos website.

Kontestá Pregunta: Tin biaha sea un doño di kas, un hende interesá òf un konosí por hasi nos pregunta tokante Testigunan di Yehova òf nos kreensianan. Nos por mustr’é e kontesta mesora riba un kòmpiuter òf aparato móbil. Ta mihó pa semper lesa e tekstonan sitá for di Beibel mes. Si na e momento ei bo no tin akseso na Internet, splika e persona kon e por haña e kontesta riba jw.org.—Bai na “Enseñanzas bíblicas/Preguntas sobre la Biblia” òf “Sobre nosotros/Preguntas frecuentes.”

Manda un Artíkulo òf Publikashon pa Hende Ku Bo Konosé: Den un e-mail, bo por manda athunto un PDF òf EPUB ku bo a download for di e site. Asta bo por download un grabashon oudio di un publikashon i pon’é riba un CD. Tur biaha ku bo manda un buki, foyeto òf revista kompleto den forma elektróniko pa un hende ku no ta batisá, bo por kont’é komo un publikashon lagá. No manda informashon den forma anónimo òf pa grupo grandi di hende ni pone e informashon riba un otro website.—Bai na “Publicaciones.”

Laga Nan Mira e Último Notisianan: Esaki lo yuda bo studiantenan di Beibel i rebishitanan mira e alkanse mundial di nos obra i hãna un bon impreshon di nos union kristian. (Sal. 133:1)—Bai na “Noticias.”