Usa Nos Website den Sirbishi​—“Pregunta Ku Beibel Ta Kontestá”

Riba jw.org/es tin e tab di “Enseñanzas bíblicas” ku tin e sekshon “Preguntas sobre la Biblia.” Si nos familiarisá nos mes ku e preguntanan, lo ta fásil pa dirigí hende ku hasi nos pregunta na nos website pa nan haña kontesta ku Beibel ta duna. Nos por usa e preguntanan akí tambe den sirbishi pa kuminsá un kòmbersashon. Nos por skohe un pregunta ku ta di interes pa nos teritorio, puntra e ­persona su opinion i mustr’é kiko Beibel ta bisa usando e rasonamentu ku tin riba jw.org. Despues, nos por splik’é òf mustr’é na unda nos a saka e informashon. Tambe nos por lag’é lesa e kontesta dirèkt riba nos website. E kasá di un superintendente di sirkuito tabatin éksito ku e introdukshon akí: “Hopi hende ta puntra nan mes si Dios ta kulpabel pa nos sufrimentunan. Lo bo ke sa e kontestá den ménos ku ún minüt?” Anto, e ta laga e persona skucha e kontesta ku el a download riba su telefòn. Na final, e ta introdusí e kapítulo 11 di e buki Beibel Ta Siña.