Bo Sa Bai Wak Kiko Tin Riba e Bòrchi di Informashon?

E ansianonan, sirbidónan ministerial i otro rumannan ku tin responsabilidat den e kongregashon tin kustumber di bai na e bòrchi di informashon pa wak si nan tin un ke otro asignashon. Sinembargo, riba e bòrchi akí tin informashon importante pa nos tur. Bo sa ki dia ta bùrt pa bo grupo limpia Salòn di Reino? E superintendente di sirkuito òf sukursal a manda karta importante pa e kongregashon? Bo sa ki tema e diskurso públiko di e siman akí tin pa bo invitá bo studiante di Beibel? A hasi kambio den e orario di reunion òf den bo grupo di sirbishi di vèlt? Mayoria di e informashonnan akí no ta ser anunsiá mas durante e reunion, i no ta posibel pa e ansianonan informá kada publikadó individualmente. Ta p’esei ta importante pa nos krea e kustumber di bai wak kiko tin riba e bòrchi di informashon. Si nos ta mantené nos mes al dia, tur kos por tuma lugá “desentemente i na un manera ordená.”—1 Kor. 14:40.