“Mi Ta Tuma Bo Literatura Basta Bo Tuma di Mi”

Esei ta loke algun doño di kas sa bisa nos. Awor, ya ku nos no ta duna nos publikashonnan a kambio di literatura religioso ku ta plama falsedat, kon nos lo por kontestá un hende asina ku takto? (Rom. 1:25) Nos lo por bisa: “Danki pa bo oferta, pero kiko bo publikashon ta bisa tokante e solushon pa e problemanan di humanidat? [Permití e persona kontestá. Si e bisa bo pa lesa su literatura pa bo haña sa e kontesta, bo por kòrd’é ku abo no a ofresé bo literatura sin bis’é kiko tin den dje. Despues, lesa òf sita Mateo 6:9 i 10.] Hesus a mustra ku e Reino di Dios lo perkurá pa e boluntat di Dios sosodé riba tera. P’esei, e úniko literatura religioso ku ami ta lesa ta esnan ku ta destaká e papel importante di e Reino di Dios. Bo ta permití mi mustra bo den Beibel algun kos spesífiko ku e Reino di Dios lo hasi?”