Algun Sugerensia

Unda Bo Por Haña Kontesta pa e Preguntanan Importante di Bida?

Duna e persona e tratado di tal manera ku e por mira e tema i bis’é: “Kon ta bai? Nos ta partisipá den un kampaña mundial pa parti un mensahe importante. Esaki ta bo ehemplar.”

Si bo ta laga e tratado kaminda no tin hende na kas, pon’é na un lugá ku ta for di bista di otro hende i evitá di dobl’é sin ta na nodi.

Si e persona ta interesá òf ke kòmbersá, puntr’é kua di e tres kontestanan ku tin parti dilanti lo e skohe. Habri e tratado i mustr’é loke Salmo 119:144 i 160 ta bisa. Splik’é ku e tratado tin informashon tokante un website ku por yud’é haña kontesta den Beibel. Kisas komo ñapa bo por lag’é wak e vidio Dikon Analisá Loke Beibel Ta Bisa? Promé ku bo bai, mustr’é e tres preguntanan parti patras di e tratado i puntr’é kua di nan ta interes’é mas. Traha un afsprak pa bo bolbe i asina mustr’é kon e por usa jw.org pa haña e kontesta ku Beibel ta duna pa e pregunta ei. Ora bo rebishit’é, bai na PUBLIKASHON > BUKI I FOYETO i analisá e kontesta huntu.

Si bo ta parti tambe e invitashon pa bo kongreso regional, duna e persona e invitashon huntu ku e tratado i agregá: “Ademas, nos ta duna bo un invitashon pa un evento públiko grátis.”

E Toren di Vigilansia 1 di Ougùstùs

Den wikènt, si ta apropiá, bisa esaki pa presentá E Toren di Vigilansia: “Tambe nos lo ke ofresé bo nos revistanan aktual. E edishon akí di E Toren di Vigilansia ta kontestá e pregunta: ‘Dios ta interesá den bo?’”

¡Despertad! Ougùstùs

Den wikènt, si ta apropiá, bisa esaki pa presentá e ¡Despertad!: “Tambe nos lo ke ofresé bo nos revistanan aktual. E ¡Despertad! akí ta kontestá e pregunta: ‘Kon hende por keda na pas ku otro?’”