E Tratado Nobo Tokante Nos Website

E título di e tratado ta: Unda Bo Por Haña Kontesta pa e Preguntanan Importante di Bida? Parti patras tin tres pregunta. Ora oportunidat presentá, puntra e persona kua di nan ta interes’é mas, anto bai riba e website na PUBLIKASHON > BUKI I FOYETO i mustr’é kon e por haña e tratado ku ta kontestá e pregunta ei. Riba e mesun página ei, e por buska e foyeto Dios Tin Bon Notisia pa Nos! i na lès 7 e por haña tambe kontesta pa preguntanan manera: Kiko e Reino di Dios ta? i Kiko e Reino di Dios ta logrando?

Hasi sigur ku bo tin e tratado akí semper na man pa bo por laga hende mira kiko Beibel ta bisa enkuanto e maravioso futuro ku nos lo tin bou di e Reino di Dios.