Un Publikashon Nobo pa Buska Informashon

Miónes di publikadó rònt mundu a hasi bon uso di e Índise di Publikashon Watch Tower pa buska informashon. Sinembargo, debí ku e ta hopi detayá, e ta disponibel solamente den algun idioma. Ta p’esei e Guia pa Buska Informashon den Publikashonnan di Testigunan di Yehova a ser prepará den 170 idioma. Mayoria di su referensianan ta informashon ku ta data for di aña 2000 padilanti. No a imprimí e Guia pa Buska Informashon den e idiomanan ku tin e Índise kaba, pero e ta disponibel elektrónikamente via Watchtower Library i Watchtower​—BIBLIOTEKA ONLINE. E publikashon akí lo yuda bo haña kontesta pa preguntanan di Beibel, informashon relashoná ku bo preokupashonnan, preparashon pa e reunionnan di kongregashon i relashoná ku bo adorashon komo famia.