Algun Sugerensia

Pa e Kampaña di Konmemorashon

“Nos ta invitando tur hende pa un okashon masha importante. Dia 3 di aprel, miónes di hende rònt mundu lo reuní pa konmemorá e morto di Hesukristu i pa skucha un diskurso tokante kon su morto ta benefisiá nos. E invitashon akí ta indiká e ora i sitio ku e reunion lo tuma lugá.”

E Toren di Vigilansia 1 di Mart

“Dia 3 di aprel lo ta e aniversario di e morto di Hesukristu. Algun hende di nos bisindario lo reuní riba e fecha ei pa konmemorá e okashon, pero otronan no ta kere ku e morto di Hesus ta di masha balor. Kiko abo ta pensa? Bo ta kere ku e morto i resurekshon di Hesus ta benefisiá nos? [Permití e persona kontestá.] Wak kiko e Palabra di Dios ta bisa tokante esaki. [Lesa 1 Korintionan 15:22, 26.] E revista akí ta splika kon e sakrifisio di Hesus ta benefisiá nos, entre otro, ku den futuro hende lo no muri mas.”

¡Despertad! Mart

“Nos ta bishitando hende den bisindario pa mustra nan e ¡Despertad! di e luna akí. [Mustra e persona e portada.] Kada ken tin nan mes opinion tokante si Dios ta eksistí òf nò. Segun abo, ken ta mira futuro ku mas optimismo: Hende ku ta kere den Dios òf esnan ku no ta kere den dje? [Permití e persona kontestá.] Lo mi ke mustra bo un promesa di Dios ku ta duna hopi hende speransa. [Lesa Salmo 37:10, 11.] E revista akí ta duna kuater motibu pa investigá si Dios ta eksistí òf nò.”