Algun Sugerensia

Pa Kuminsá Estudio di Beibel Riba e Promé Djasabra di Mart

“Nos ta hasiendo un bishita kòrtiku pa papia di algu ku lo tuma lugá dia 14 di aprel. Riba e fecha ei nos lo konmemorá e morto di Hesus. Algun hende lo konmemorá e okashon akí pasobra e morto di Hesus tin gran nifikashon pa nan. Di otro banda, tin hende no sa kiko e morto di Hesus ta nifiká pa humanidat. Abo ta kere ku e morto di Hesus ta benefisiá kada un di nos?” Permití e persona kontestá. Mustr’é e parti patras di E Toren di Vigilansia di 1 di mart i trata e informashon di e promé pregunta. Lesa por lo ménos ún di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Mart

“Hopi hende ta puntra nan mes dikon Dios no ta kaba ku e inhustisia i sufrimentu ku tin riba mundu. Abo ta kere ku kisas ta pasobra e no ta interesá den nos òf ta pasobra e ta haña ku ta bon pa nos sufri? [Permití e persona kontestá. Kaba lesa Huan 3:16.] Aunke hopi hende ta usa e teksto akí pa mustra ku Dios ta interesá den nos, nan no sa kon e morto di e yu di Dios ta benefisiá nos. E revista akí ta splika kon e morto di Hesus lo yuda trese un fin na e inhustisia i sufrimentu ku tin riba mundu.”

¡Despertad! Mart

“Nos ta di bishita un ratu asina pa splika un mal komprondementu ku hopi hende tin di e versíkulo akí di Beibel. [Lesa Génesis 1:1.] Algun ­hende ta pensa ku e universo tin un Kreador, pero tin otronan ku no ta di akuerdo. Ki ta bo opinion ­tokante esaki? [Permití e persona kontestá.] Hopi hende no ta kere den kreashon pasobra hopi religion no ta siña hende loke tin pará den Beibel. Den e revista akí bo por lesa un splikashon ­lógiko i koherente di loke Beibel ta bisa tokante e ­komienso di universo.”