Nos A Kuminsá Prepará pa Memorial?
Tabata 13 di nisan di aña 33 di promé siglo. Hesus tabata sa ku esaki lo tabata e último anochi ku lo el a pasa ku su amigunan di mas yegá promé ku el a ser ehekutá. Lo el a selebrá su último Pasku Hudiu ku nan anto kaba instituí un selebrashon nobo, e Sena di Señor. Ta di komprondé ku pa un okashon asina importante mester a hasi preparashon. P’esei, Hesus a manda Pedro i Huan bai hasi esei. (Luk. 22:7-13) For di e aña ei padilanti, tabata importante pa kristiannan ku ke selebrá Memorial, òf e Konmemorashon di e morto di Hesus, prepará pa e okashon akí. (Luk. 22:19) Kiko ta e kosnan básiko ku nos mester prepará pa e Konmemorashon di dia 3 di aprel?
Loke Publikadónan Mester Hasi:
Plania pa partisipá plenamente den e kampaña pa invitá hende pa e Konmemorashon.
Traha un lista di studiante di Beibel, famia, kompañero di skol, kolega di trabou i konosí pa invitá nan.
Lesa i meditá riba e lesamentu di Beibel pa e Konmemorashon.
Duna e bishitantenan na e Konmemorashon un bon biní.