Hasi Bon Uso di e Poder di e Palabra di Dios den Sirbishi

Ora un persona skucha nos den sirbishi, nos mester hasi bon uso di e oportunidat ei pa lesa tekstonan dirèkt for di Beibel p’e. Dikon? Pasobra e Palabra di Dios ta masha poderoso. E punto akí a ser enfatisá aña pasá na e dia spesial di asamblea. E superintendente di sirkuito a duna e diskurso: “Hasi Bon Uso di e Poder di e Palabra di Dios den Sirbishi.” Bo ta kòrda e puntonan prinsipal ku a bini dilanti?

• Dikon e palabra di Yehova tin hopi mas poder ku esun di nos?—2 Tim. 3:16, 17.

• Dikon Beibel por konmové nos kurason, yuda nos transformá nos manera di pensa, mehorá nos motivashonnan i stimulá nos pa hasi kambio?—Wak E Toren di Vigilansia di 1 di yüni 2012, pág. 30, par. 7.

• Ora nos lesa un teksto di Beibel pa un persona den sirbishi, kon nos por hala atenshon na e Palabra di Dios na un manera ku ta krea rèspèt p’e?—Wak e buki Skol di Ministerio, pág. 148, par. 3-4 i Nos Ministerio di Reino di mart 2013, pág. 6, par. 8.

• Dikon ta importante pa nos splika i rasoná riba e tekstonan di Beibel ku nos lesa i kon nos por hasi esei?—Echo. 17:2, 3; wak e buki Skol di Ministerio, pág. 154, par. 4 te pág. 156, par. 5.