Kon pa Usa e Foyeto Ken Awe Ta Hasi e Boluntat di Yehova?

E foyeto Ken Awe Ta Hasi e Boluntat di Yehova? a ser prepará pa nos analis’é huntu ku nos studiante di Beibel. Nos mester hasi esei sea na komienso òf na final di kada estudio.a Lès 1 pa 4 ta siña e studiante ken Testigunan di Yehova ta, lès 5 pa 14 ta yud’é haña sa mas tokante nos aktividatnan i lès 15 pa 28 ta mustr’é kon nos organisashon ta funshoná. Por lo general ta mihó pa trata e lèsnan den e sekuensia ku nan ta aparesé, a ménos ku tin un lès ku na e momento ei ta di interes pa e studiante. Kada lès ta konsistí di ún página i ta fásil pa trat’é den sinku pa dies minüt ku mayoria di studiante.

• 

  Mustra bo studiante e tema di e lès ku ta den forma di un pregunta

• Lesa e lès huntu, sea kompleto òf paragraf pa paragraf

• Analisá loke boso a kaba di lesa. Hasi e preguntanan na final di e página i referí tambe na e potrètnan. Lesa i analisá e tekstonan menshoná segun e nesesidat di e studiante. Laga e studiante sa ku e suptemanan ku lèter diki ta kontestá e pregunta dje tema

• Si tin un kuadro “Bo Ke Sa Mas,” les’é huntu i animá bo studiante pa pone e sugerensia na práktika