NOS BIDA KRISTIAN
Ki Luna Mi Por Traha Pionero Ousiliar?
E vishon ku Ezekiel a haña di e tèmpel ta mustra ku e pueblo di Yehova lo ofresé sakrifisio di buena gana. Kon kada un di nos por ofresé sakrifisio di alabansa?—Heb 13:15, 16.
Un bon manera pa hasi esei ta di traha pionero ousiliar. Den e aña di sirbishi 2018 tin vários luna ku tin sea sinku djasabra òf sinku djadumingu. Esaki ta práktiko pa rumannan ku ta traha henter siman i ku mayoria di biaha ta bai sirbishi den wikènt. Ademas, den e luna di mart i aprel i durante bishita di e superintendente di sirkuito tin e posibilidat pa traha sea 30 òf 50 ora.
Pero kiko si nos sirkunstansianan no ta permití nos traha pionero ousiliar? Si nos no por traha pionero ousiliar, tòg nos por hasi esfuerso pa mehorá e kalidat di nos sirbishi i oumentá nos oranan. Sea kual sea nos sirkunstansia, nos amor pa Yehova lo motivá nos pa dun’é lo mihó durante e aña di sirbishi 2018.—Hos 14:2.
Kon mi por imitá e zelo di Sabina Hernández?
WAK E VIDIO KU YEHOVA, MI POR HASI KASI TUR KOS, ANTO KONTESTÁ E SIGUIENTE PREGUNTANAN:
Kiko ta motivá Sabina pa hasi mas den su sirbishi na Yehova?
Kon e ehèmpel di Sabina ta animá bo?
Durante e aña di sirbishi 2018, ki luna bo por traha pionero ousiliar?