Hóbennan, Demostrá Boso “Zelo pa Obranan Ekselente”

Den e karta inspirá ku apòstel Pablo a manda pa Tito, el a skirbi ku e hòmbernan mas yòn, inkluso Tito, mester a hasi nan bèst pa ta “un ehèmpel di bon obra” den tur kos. (Tit 2:6, 7) Mas despues, den e mes kapítulo ei, Pablo a bisa ku Hesus a purifiká Yehova su pueblo pa asina nan por ta “yen di zelo pa obranan ekselente.” (Tit 2:14) Un di e obranan ekselente ei ta e trabou di prediká i di siña hende tokante e Reino di Dios. Si bo ta un hóben, bo por usa bo forsa i energia pa sirbi komo pionero ousiliar òf regular?—Pro 20:29.

Si bo ke sirbi komo pionero, bo mester traha un plan realístiko ku lo yuda bo hasi esei. (Luk 14:28-30) Por ehèmpel, pensa kon lo bo kubri bo gastunan ora bo kuminsá traha pionero i kon lo bo alkansá bo oranan di sirbishi. Pidi Yehova yuda bo. (Sl 37:5) Papia ku bo mayornan i ku e pioneronan eksperensiá tokante bo plannan. Despues, dal e pasonan nesesario pa logra bo meta. Bo por tin sigur ku Yehova lo bendishoná tur bo esfuersonan!

WAK E VIDIO HÓBENNAN KU TA ONRA YEHOVA, I DESPUES KONTESTÁ E SIGUIENTE PREGUNTANAN:

• Ki reto algun ruman mester a vense pa por a sirbi komo pionero i kon nan a hasi esei?

• Kon e mayornan por yuda nan yunan bira pionero regular?

• Dikon ta importante pa bo tin un bon programa?

• Kon e kongregashon por animá i yuda e pioneronan?

• Ki bendishon e rumannan ku ta sirbi komo pionero ta risibí?