Tera A “Guli e Riu”

Atraves di historia, e outoridatnan a yuda e pueblo di Yehova na vários okashon. (Èsd 6:1-12; Èst 8:10-13) Asta den nos tempu, nos por mira ku “tera,” esta, algun hende òf grupo poderoso mas rasonabel di e mundu akí, a guli “e riu” di persekushon instigá pa “e dragon,” Satanas. (Rev 12:16) Yehova, e ‘Dios di liberashon,’ tin biaha ta motivá e gobernantenan humano pa yuda su pueblo.—Sl 68:20; Pro 21:1.

Awor, kiko si bo ta enkarselá pa motibu di bo fe? Nunka duda ku Yehova ta ku bo. (Gén 39:21-23; Sl 105:17-20) Bo por tin sigur ku lo bo haña rekompensa pa bo fe i ku bo integridat ta animá bo rumannan rònt mundu.—Flp 1:12-14; Rev 2:10.

WAK E VIDIO E RUMANNAN DEN PRIZÒN NA KOREA TA SALI LIBER, I DESPUES KONTESTÁ E SIGUIENTE PREGUNTANAN:

• Atraves di aña, dikon a enkarselá míles di nos ruman hòmbernan na Surkorea?

• Kiko a pone ku algun ruman a sali liber mas trempan?

• Kon nos por yuda nos rumannan rònt mundu ku aktualmente ta enkarselá pa motibu di nan fe?

• Kon nos mester usa e libertat ku nos tin aworakí?

• Ken nos mester gradisí pa tur e viktorianan ku nos logra den korte?