Kon pa Mehorá Bo Sirbishi​—Sea Adaptabel

DIKON ESAKI TA IMPORTANTE: E ungínan i e otro karnénan ta invitá tur sorto di hende pa “bin tuma e awa di bida pòrnada.” (Rev 22:17) E awa simbóliko akí ta representá tur loke Yehova a hasi pa libra hende obediente for di piká i morto. Pa nos por yuda hende ku no tin mes kustumber i kreensia religioso ku nos, nos mester presentá e “bon notisia eterno” na un manera ku ta atraé nan.—Rev 14:6.

KON PA HASI ESAKI:

• Skohe un tópiko i teksto di Beibel ku lo yega na kurason di e hendenan den bo teritorio. Bo por skohe un ehèmpel di presentashon pa sirbishi òf algu ku bo a haña bon resultado kuné. Ki tópiko òf teksto di Beibel bo a yega di tin éksito kuné? Tin algu ku a pasa resientemente den notisia ku hopi hende ta papia di dje? Ki tópiko lo interesá un hende hòmber òf un hende muhé?

• Ora bo kuminsá un kòmbersashon, tene kuenta ku e kustumbernan i e manera di kumindá ku ta komun kaminda bo ta biba.—2Ko 6:3, 4

• Familiarisá bo mes ku e publikashonnan i vidionan ku tin den nos Kaha di Hèrmènt pa Siña Hende e Bèrdat pa asina bo por usa nan ku hende ku mustra interes

• Download publikashon i vidio den idioma di e hendenan ku lo bo por topa den bo teritorio

• Adaptá bo presentashon na nesesidat di e persona. (1Ko 9:19-23) Por ehèmpel, kiko lo bo bisa un persona si bo haña sa ku el a kaba di pèrdè un ser kerí den morto?

WAK E VIDIO, I DESPUES KONTESTÁ E SIGUIENTE PREGUNTANAN:

• Tokante ki tópiko e publikadó a kuminsá papia?

• Kiko tabata preokupá e persona?

• Kua teksto tabata mas apropiá pa e publikadó usa na e okashon akí, i dikon?

• Kon bo ta adaptá bo presentashon pa por lanta interes di e hendenan den bo teritorio?