Kiko Bo Por Siña for di e Kantikanan Ku Tin Riba JW Broadcasting®?

Kua di e kantikanan ku tin riba JW Broadcasting bo ta gusta mas, i dikon? Bo ta haña ku vidio musikal di e kantikanan ei ta presentá situashon ku ta pasa den bida di tur dia? Semper lo tin kantika ku nos lo gusta pasobra nan tin un variedat di tema i diferente melodia. Sinembargo, e kantikanan akí i nan vidionan musikal no ta djis pa entretené nos.

Kada un di e kantikanan akí ta siña nos lès útil ku nos por apliká den nos bida i sirbishi. Algun kantika ta tokante hospitalidat, union, amistat, kurashi, amor i fe. Ademas, tin kantika tokante kon pa bolbe serka Yehova, kon pa pordoná otro, kon pa alkansá meta spiritual i kon pa mantené nos integridat. Tin asta un kantika tokante kon pa usa telefòn selular bon. Ki otro lès útil abo a saka for di e kantikanan ku tin riba JW Broadcasting?

WAK E VIDIO MUSIKAL DJIS TRAS DI PORTA, I DESPUES KONTESTÁ E SIGUIENTE PREGUNTANAN:

• Riba ki bendishon e pareha kasá di edat ta pensa?—Gén 12:3

• Kiko nos por hasi ku por duna nos mas konfiansa ku Yehova lo kumpli ku su promesanan?

• Ken nos ta anhelá di topa djis tras di porta?

• Kon e bendishonnan ku Yehova lo duna nos pa medio di e Reino lo yuda nos perseverá awor ku nos ta pasa den difikultat?—Rom 8:25