Kon Pa Mehorá Bo Sirbishi​—Prediká na Hende Siegu

DIKON ESAKI TA IMPORTANTE: Hopi hende siegu no ta sinti nan kómodo pa papia ku hende ku nan no konosé. P’esei, nos mester usa takto i sa kon pa prediká na nan. Yehova ta stima hende siegu i ta masha interesá den nan. (Lev 19:14) Nos por imitá Yehova ora nos ta tuma inisiativa pa yuda nan bira amigu di Yehova.

KON PA HASI ESAKI:

• “Buska” hende siegu den bo teritorio. (Mat 10:11) Bo konosé un hende ku tin un miembro di famia ku ta siegu? Den bo teritorio, tin skol, kas di kuido òf otro fasilidat ku lo ta interesá pa haña publikashon diseñá pa hende siegu?

• Mustra interes den nan. Ora bo ta amabel i ta mustra berdadero interes den hende siegu, esei lo yuda nan sinti nan mes kómodo. Purba di kòmbersá ku nan tokante un tópiko ku ta interesá nan

• Yuda nan bira amigu di Yehova. E organisashon a produsí publikashon den diferente formato pa hende siegu òf hende ku no ta mira bon. Bo por puntra un hende siegu ki formato e ta preferá. E superintendente di sirbishi mester hasi sigur ku e sirbidó di literatura ta yena e petishon pa por haña publikashon den e formato ku un hende siegu ta deseá