TESORO DI E PALABRA DI DIOS | ÉKSODO 10-11

Moises i Aron A Demostrá Hopi Kurashi

10:3-6, 24-26, 28; 11:4-8

Moises i Aron a demostrá hopi kurashi ora nan mester a papia ku Fárao, e hòmber di mas importante di e tempu ei. Kon bini nan por a hasi esei? Beibel ta bisa tokante Moises: “Pa medio di fe el a bandoná Egipto, pero no pasobra e tabatin miedu di e rabia di e rei, ya ku el a sigui firme komo si fuera el a mira Esun ku ta invisibel.” (Heb 11:27) Moises i Aron tabatin fe fuerte den Yehova i a konfia den dje.

Den ki situashon bo mester defendé bo kreensianan dilanti di un persona ku ta den puesto di outoridat?

Kolekshon di plachi: Situashon ku bo mester demostrá kurashi. 1. Un mucha hòmber na skol ta para trankil segun ku e otro hendenan ta saludá bandera. 2. Un ruman hòmber ta den korte. 3. Un ruman hòmber yòn ta ofresé un tratado na un doño di kas den sirbishi segun ku polis ta opserv’é.