Bo Por Duna Yehova di Bo Tempu i Energia?

Manera Isaías a profetisá, e parti terenal di Yehova su organisashon ta kresiendo rápidamente. (Isa 54:2) Komo resultado di e kresementu akí, mester konstruí mas Salòn di Reino, Salòn di Asamblea i fasilidat di Bètel. Despues ku e edifisionan akí ser konstruí, mester mantené nan i algun di nan mester ser renobá ku tempu. Kon e faktornan akí ta krea oportunidat pa bo duna di bo tempu i energia na Yehova? Bo por . . .

• yuda ora bo grupo di sirbishi ta na bùrt pa hasi limpiesa na Salòn di Reino

• duna bo nòmber pa sirbi komo boluntario pa asina bo risibí entrenamentu pa mantené nos Salòn di Reino

• yena un formulario (DC-50) pa apliká pa e programa di Diseño i Konstrukshon Lokal pa asina bo por yuda ora bo por ku proyekto di konstrukshon i di mantenshon ku no ta muchu leu di kaminda bo ta biba

• yena un Solisitut pa Sirbi Komo Boluntario (A-19) pa bo por sirbi un siman òf mas na e sukursal ku ta supervisá e obra den bo pais òf na otro fasilidat di Bètel

WAK E VIDIO FRAGMENTO DI NOS TA TRAHANDO RIBA UN PROYEKTO NOBO DI KONSTRUKSHON, I DESPUES KONTESTÁ E SIGUIENTE PREGUNTANAN:

• Kon bini nos ta usa mas vidio desde 2014?

• Pa nos por produsí mas vidio, ki proyekto ta na kaminda, i na ki tempu a plania pa kuminsá i na ki tempu a plania pa e terminá?

• Kon e rumannan por duna nan mes komo boluntario pa yuda den e proyekto akí?

• Si bo ke yuda den e konstrukshon na Ramapo, dikon bo mester yena e aplikashon (DC-50) i yuda ku proyekto di Diseño i Konstrukshon Lokal na bo pais?

• Ki evidensia tin ku Yehova ta guiando e proyekto akí?

• Kon bo por sostené e proyekto akí asta si bo no por yuda ku konstrukshon?