Mayornan, Siña Boso Yunan pa Nan Ta Prepará

Nos ta biba den un mundu ku ta siña hende ku loke ta bon ta malu i loke ta malu ta bon. (Isa 5:20) Lamentablemente, algun hende ta hasi loke Yehova ta odia, i esei ta inkluí kondukta inmoral entre hende di mesun sekso. Kompañero di skol òf otro hende ta purba di konvensé nos hóbennan pa hasi meskos ku nan. Kon bo por prepará bo yunan pa nan enfrentá e prueba akí i otro tentashon ku éksito?

Siña bo yunan e normanan di Dios. (Lev 18:3) Segun ku bo yunan ta krese, siña nan loke Beibel ta bisa tokante kondukta seksual ku ta apropiá. (Deu 6:7) Puntra bo mes: ‘Mi a siña mi yunan tokante e manera korekto pa mustra kariño, dikon ta importante pa bisti desente i dikon ta importante pa otro hende respetá nan privasidat? Mi yunan sa kiko nan tin ku hasi si un hende purba di mustra nan pornografia òf si un hende pidi nan hasi algu ku Yehova ta bisa ta robes?’ Si bo prepará bo yunan di antemano, nan por evitá hopi problema. (Pro 27:12; Ekl 7:12) Ora bo ta siña bo yunan, bo ta demostrá ku bo ta stima e herensia balioso ku bo a haña di Yehova.—Sl 127:3.

WAK E VIDIO TRAHA UN KAS KU LO PERMANESÉ: PROTEHÁ BO YUNAN FOR DI “LOKE TA MALU,” I DESPUES KONTESTÁ E SIGUIENTE PREGUNTANAN:

• 

  Dikon algun mayor ta sinti nan inkómodo pa siña nan yunan tokante sèks?

• 

  Dikon mayornan tin ku lanta nan yunan den “e disiplina di Yehova i inkulká su manera di pensa den nan”?—Efe 6:4

• 

  Ki provishon e organisashon di Yehova a perkurá pa yuda e mayornan siña nan yunan tokante sèks?—w19.05 12, kuadro

• Dikon ta importante pa e mayornan papia regularmente ku nan yunan promé ku nan yunan haña nan ku problema serio?