Kongreso Regional Ta Okashon pa Mustra Amor

Dikon nos ta gusta nos kongresonan anual asina tantu? Meskos ku den Israel di antigwedat, e kongresonan ku nos tin awe ta duna nos oportunidat pa adorá Yehova huntu ku sentenáres i asta míles di otro ruman. Nos ta disfrutá di un variedat grandi di kuminda spiritual. Ademas, nos ta balorá e tempu ku nos ta pasa huntu ku nos amigunan i famianan. Debí na nos apresio profundo pa kongreso, nos ke ta presente tur e tres dianan.

Ora nos tin un okashon pa bini huntu, nos no mester pensa riba nos mes so. Nos por pensa tambe kon nos por mustra amor na otro hende. (Gal 6:10; Heb 10:24, 25) Ora nos tene un porta habrí pa un ruman òf nos warda solamente e asiento ku nos lo usa, nos ta mustra ku nos ta wak interes di otro hende tambe. (Flp 2:3, 4) Kongreso ta un bunita oportunidat pa haña amigu nobo. Nos por pone komo meta pa papia ku un persona ku nos no konosé, sea promé òf despues di e programa, òf durante e pousa di mèrdia. (2Ko 6:13) E amistatnan ku nos ta forma na e okashonnan akí por dura pa semper! Mas importante ainda, ora otro hende mira kon nos ta mustra amor na otro, nan por skohe pa adorá Yehova huntu ku nos.—Hua 13:35.

WAK E VIDIO “AMOR NO TA FAYA NUNKA”! KONGRESONAN INTERNASHONAL, I DESPUES KONTESTÁ E SIGUIENTE PREGUNTANAN:

• 

  Kon e rumannan a mustra amor na e delegadonan ku a bini pa e kongreso internashonal di 2019?

• 

  Dikon union i amor den e pueblo di Yehova ta asina impreshonante?

• 

  Ki aspekto relashoná ku amor berdadero e miembronan di Kuerpo Gobernante a resaltá?

• 

  Kon amor berdadero a triunfá na Alemania i Surkorea?

• Kiko mester ta nos determinashon?