Testigonan di Jehova Lo Tene Congresonan Internacional

E Cuerpo Gobernante di Testigonan di Jehova ta planeando pa tene congresonan internacional durante 1998. E anuncio aki a ser ricibí cu hopi entusiasmo n’e reunion anual di Watch Tower Bible and Tract Society of Pennsylvania, tené na Jersey City Assembly Hall riba diasabra, 5 di october, 1996.

Huntu cu e congresonan di distrito acustumbrá, lo tene un cantidad di congreso internacional na Norteamérica durante medio 1998. E expectativa ta cu e reunionnan aki lo trece huntu cientos di miles di Testigo for di hopi parti dje tera. Pa permití mas tantu pais cu ta posibel ser representá, cada un dje mas di 100 sucursalnan di Sociedad Watch Tower lo tin un cantidad asigná di delegado pa un stad designá como stad di congreso internacional na Norteamérica.

Ta claro cu no ta tur ruman cu lo kier biaha pa Norteamérica lo ta den posicion pa haci esei. Sin embargo, lo por ta posibel pa miles asistí na un congreso internacional mas cerca di nan cas. Areglonan ta ser hací pa congresonan internacional ser tené den dos of tres pais na Europa i otronan na Africa, Asia, Latinoamérica, Sur Pacífico i Caribe.

Na su debido tempu, e oficinanan di sucursal lo notificá congregacionnan den nan respectivo teritorionan tocante e stad of stadnan di congreso na cua nan ta invitá. Lo duna informacion en cuanto e fechanan i ki areglonan ta ser hací pa selectá delegadonan. Esnan cu tin pensá di yena solicitud pa ser selectá como delegado kisas ta deseá na cuminsá spar poco fondo anticipando e eventonan special aki.

Tur Testigo di Jehova rond parti mundu por spera ansiosamente loke ta warda nos n’e reunionnan internacional aki pa 1998. Congresonan di distrito den tur pais lo tin un programa similar.