Bo Ta Prepará pa e Último Parti di “e Último Dianan”?

Nos ta bibando den e último parti di “e último dianan,” i nos sa ku kos lo bai di malu pa peor. (2Ti 3:1; nwtsy nota di estudio pa Mat 24:8) Ora tin un desaster natural, Yehova ta duna nos instrukshon importante i na ora. Pa nos por sobrebibí den futuro, nos mester obedesé i ta prepará for di awor.—Luk 16:10.

• Prepará spiritualmente: Mantené un bon rutina spiritual. Siña kon pa prediká na diferente manera. No drenta pániko si temporalmente bo pèrdè kontakto ku e rumannan di bo kongregashon. (Isa 30:15) Nunka lo bo no ta separá for di Yehova i Hesus.—od 176 §15-17

• Prepará loke bo mester: Kada persona mester tin un tas di emergensia. Kada famia mester tin sufisiente kuminda, awa, remedi i otro kos nesesario pa si nan mester keda kas òf na un shelter pa un tempu.—Pro 22:3; g17.5 4, 6

WAK E VIDIO ABO TA PREPARÁ PA DESASTER NATURAL? I DESPUES KONTESTÁ E SIGUIENTE PREGUNTANAN:

• 

  Kon nos por prepará spiritualmente pa desaster?

• 

  Dikon nos mester . . .

  • keda den kontakto ku nos ansianonan?

  • prepará un pakete òf tas di emergensia?

  • investigá e tipo di desasternan ku por pasa i kiko tin ku hasi den kada situashon?

• 

  Den ki tres manera nos por yuda hende ku a ser afektá pa desaster?