NOS BIDA KRISTIAN
Yehova Ta Salba Hende Ku Ta Desanimá
Tur hende sa sinti nan tristu de bes en kuando. Ora nos ta sinti nos tristu, esei no ke men ku nos ta suak spiritualmente. De echo, asta Yehova a ekspresá ku e ta sintié tristu de bes en kuando. (Gén 6:5, 6) Pero kiko si nos ta sinti ku tur ora nos ta tristu?
Pidi Yehova den orashon pa su yudansa. Yehova sa kon nos ta sinti físikamente i emoshonalmente. E sa ki ora nos ta kontentu i ki ora nos ta tristu. E ta komprondé dikon nos ta pensa manera nos ta pensa i sinti manera nos ta sinti. (Sl 7:9b) Mas importante ainda, Yehova ta interesá den nos, i e por yuda nos trata ku sintimentu di tristesa òf ku depreshon.—Sl 34:18.
Protehá bo mente. Sintimentu negativo por afektá nos felisidat i tambe nos amistat ku Yehova. Pa e motibu ei, ta importante pa nos protehá nos kurason, esta, e persona ku nos ta di paden.—Pro 4:23.
WAK E VIDIO NOS RUMANNAN TA DISFRUTÁ DI PAS APESAR DI DEPRESHON, I DESPUES KONTESTÁ E SIGUIENTE PREGUNTANAN:
Kiko ta algun kos práktiko ku Nikki a hasi pa yud’é trata ku su depreshon?
Dikon Nikki a sinti ku e mester a buska yudansa di dòkter?—Mat 9:12
Den ki manera Nikki a konfia den Yehova pa yudansa?