SIGUI VIGILÁ!
6 Mion Hende A Muri Debí na COVID—Kiko Beibel Ta Bisa?
Segun Organisashon Mundial di Salú (WHO), desde 18 di mei 2022, 6.27 mion hende a muri debí na COVID-19. Sinembargo, segun un informe ku a ser publiká 5 di mei 2022, Organisashon Mundial di Salú ta indiká ku ta muchu mas ku 6.27 mion hende a muri debí na COVID. Ta parse ku, durante 2020 i 2021, ‘mas o ménos 14.9 mion hende a muri debí na COVID-19 òf debí komplikashon relashoná ku COVID-19.’ Beibel a profetisá tokante e susesonan akí ku ta kousa hopi doló?
Beibel a profetisá ku lo tin pandemia
Hesus a bisa ku lo tin “pestilensia” (epidemia) durante “e último dianan.”—Lukas 21:11, Beibel Santu; 2 Timoteo 3:1.
E profesia ei di Hesus ta kumpliendo awe. Pa mas informashon, lesa e artíkulo “Kiko Ta e Señal di ‘e Último Dianan,’ òf di ‘e Tempu di e Fin’?”
Beibel ta duna konsuelo
E “Dios di tur konsuelo . . . ta konsolá nos den tur nos tribulashonnan.”—2 Korintionan 1:3, 4.
Beibel a yuda hopi hende trata ku tristesa debí na morto di un ser kerí. Pa mas informashon, bo por lesa e siguiente artíkulonan “Kon pa Trata ku Tristesa—Loke Bo Por Hasi” i “E Mihó Yudansa ora Bo Pèrdè un Ser Kerí.”
Beibel ta duna e solushon permanente
“Laga bo Reino bini. Laga bo boluntat sosodé, meskos ku den shelu, tambe riba tera.”—Mateo 6:10.
Pronto, danki na “e Reino di Dios,” ningun habitante na mundu lo no bisa: “Mi ta malu.” (Marko 1:14, 15; Isaías 33:24) Pa haña sa mas tokante e gobièrnu selestial akí i loke e gobièrnu akí lo logra, wak e vidio Kiko e Reino di Dios Ta?
Nos ta animá bo pa haña sa mas tokante loke Beibel ta siña. Si bo hasi esei, abo i bo famia por benefisiá di e bon konsehonan di Beibel i di su promesanan bunita pa futuro.