Kiko e Reino di Dios Lo Hasi ku Guera?

Rònt mundu, guera ta sigui kousa hopi doló i sufrimentu. Ripará kiko algun informe ta menshoná:

• “Aña pasá mas hopi hende a muri debí na guera kompará ku tur e otro añanan desde 1994. Mayoria di e hendenan ei a muri den e guera na Etiopia i Ukrania.”—Peace Research Institute Oslo, 7 di yüni 2023.

• “E guera na Ukrania ta djis un di e konfliktonan ku a eskalá na 2022. Rònt mundu violensia polítiko a oumentá ku 27%, i esei a afektá rònt di 1.7 mil mion hende.”—The Armed Conflict Location & Event Data Project (ACLED), 8 di febrüari 2023.

Pero Beibel ta duna nos speransa. E ta bisa ku “Dios di shelu lo lanta un reino ku nunka lo ser destruí.” (Dánièl 2:44) Bou di e reino òf gobièrnu ei, Dios lo “kaba ku guera tur kaminda riba tera.”—Salmo 46:9.