Problema Ekonómiko—Loke e Reino di Dios Lo Hasi

Hopi hende rònt mundu ta lucha pa gana nan pan di kada dia, i dia pa dia ta bira mas difísil.

• Segun un informe mundial resien,a “e salario mensual a baha drástikamente.” E informe ta spièrta ku si nada no ser hasí, lo tin “un oumento den desigualdat” i “nivel di bida di hopi trahadó i famia” lo baha.

Bo ta kere ku e gobièrnunan ku tin lo por solushoná e krísis ekonómiko akí?

Beibel ta splika ku tin un gobièrnu ku por i lo solushoná tur problema ekonómiko, entre otro, e diferensia ku tin entre hende riku i hende pober. Beibel ta bisa ku “Dios di shelu lo lanta un reino,” esta, un solo gobièrnu ku lo dirigí tur asuntu riba tera. (Dánièl 2:44) Bou di e gobièrnu ei, niun hende lo no ser lubidá òf laga afó. (Salmo 9:18) E Reino di Dios lo sòru pa tur su siudadanonan haña loke nan tin mester pa nan por ta felis. Nan tur lo por disfrutá di e fruta di nan trabou duru.—Isaías 65:21,22.