Kon Testigunan di Yehova Ta Mira Otro Religion?

Nos ta sigui e konseho den Beibel di ”respetá tur hende”—sin importá nan kreensianan religioso. (1 Pedro 2:17, Beibel na papiamentu koriente) Por ehèmpel, den algun pais tin sientos di míles di Testigu di Yehova. Pero nos no ta trata di pone preshon riba polítikonan òf legisladónan pa restringí òf prohibí e trabou di otro grupo religioso. Tampoko nos no ta hiba kampaña pa traha lei ku ta imponé nos konvikshon moral i religioso riba e komunidat. Na lugá di esei, nos ta trata otro religion meskos ku nos ta deseá pa nan trata nos.—Mateo 7:12.