Lo Bo Kuminsá un Estudio di Beibel Durante Òktober?

¹ E oferta pa luna di òktober ta E Toren di Vigilansia i ¡Despertad! Pa sigui kultivá interes, ta bon pa nos ofresé e tratado Bo Ke Haña Sa e Bèrdat? i purba kuminsá un estudio di Beibel. Kon nos por hasi esei ora nos hasi rebishita?

² Kon pa Usa e Tratado: Nos lo por bisa: “E revista ku mi a laga ku bo ta animá hende di tur antesedente i religion pa wak kiko Beibel ta siña. [Duna e doño di kas e tratado Bo Ke Haña Sa e Bèrdat? i mustr’é e preguntanan parti dilanti.] Aki tin algun pregunta interesante ku Beibel ta kontestá na un manera satisfaktorio. Bo a yega di hasi bo mes un di e preguntanan akí?” Despues ku e doño di kas duna su kontesta, konsiderá e kontesta di ún di su preguntanan, i lesa ún di e tekstonan. Despues splik’é ku esaki ta djis un ehèmpel chikitu di loke Beibel ta siña, i dun’é e buki Beibel Ta Siña. Despues di esei, nos por lag’é skohe un kapítulo for di e kontenido i trata e promé paragrafnan di e kapítulo ei. Òf nos por disidí di bai kaminda tin mas informashon riba e tópiko ku nos a trata den e tratado. At’akí e referensianan ku nos por usa:

● Dios ta interesá den nos di bèrdat? (pág. 9-11, §6-10)

● Guera i sufrimentu lo kaba un dia? (pág. 12, §12-13)

● Kiko ta pasa ku nos ora nos muri? (pág. 59-60, §7-8)

● Tin speransa pa hende ku a muri? (pág. 71, §13-15)

● Kon mi mester hasi orashon pa Dios skucha mi? (pág. 166-⁠167, §5-8)

● Kon mi por logra haña felisidat den bida? (pág. 9, §4-⁠5)

³ Ta klaru ku si sirkunstansia no ta permití nos pa kuminsá i demostrá un estudio den e buki Beibel Ta Siña na e promé bishita, semper nos por traha afsprak pa bolbe i sigui ku e kòmbersashon. I dependé di e persona su interes, nos lo por asta disidí di trata mas ku un pregunta den e tratado durante diferente bishita promé ku nos introdusí e buki. Laga nos hasi bon uso di e tratado práktiko akí durante òktober pa kuminsá un estudio di Beibel i yuda hende sinsero “konosé e bèrdat.”—Juan 8:​31, 32.

[Preguntanan di Estudio]

1. Kiko ta e oferta pa luna di òktober?

2. Kon nos por usa e tratado Sa e Bèrdat pa kuminsá un estudio di Beibel ora nos rebishitá un hende ku a aseptá e revistanan?

3. Kon nos por adaptá nos presentashon na sirkunstansia?