Keda Spiritualmente Alerta i Aktivo ora Bo Sirkunstansianan Kambia

Nos no por evitá kambio, foral durante e último dianan akí. (1Ko 7:31) Sea ku nos haña nos diripiente ku kambio òf nò, sea ku nan ta bon òf malu, nan por stroba nos den nos adorashon i pone nos amistat ku Yehova na prueba. Kiko por yuda nos keda spiritualmente alerta i aktivo durante kambio? Wak e vidio Kon pa Keda Spiritualmente Fuerte ora di Muda, anto kaba kontestá e siguiente preguntanan:

• Ki konseho un ruman hòmber a duna e tata?

• Kon e prinsipio ku tin na Mateo 7:25 a yuda e famia den nan situashon?

• Kon e famia a plania promé ku nan a muda, i kon esaki a yuda nan?

• Kiko a yuda e famia adaptá ora nan a kambia di kongregashon i di teritorio?

Ki kambio grandi mi a pasa aden resientemente?

Den mi situashon, kon mi por apliká e prinsipionan ku mi a siña for di e vidio akí?