PREGUNTA KU BEIBEL TA KONTESTÁ

Di Unda Diabel A Bini?

Dios no a krea Diabel. Mas bien, Dios a krea e angel ku despues a bira Diabel, konosí tambe komo Satanas. Hesus a indiká ku un tempu Diabel tabata un bon angel i sin engaño. Pues, na prinsipio Diabel tabata un yu hustu di Dios.—Lesa Huan 8:44.

Kon un angel por a bira Diabel?

E angel ku a bira Diabel a skohe pa bai kontra Dios i a instigá e promé pareha humano pa djòin e. Di e manera ei el a hasi su mes Satanas, ku ta nifiká “Resistidó.”—Lesa Génesis 3:1-5; Revelashon 12:9.

Meskos ku tur otro kriatura inteligente di Dios, e angel ku a bira Diabel tabatin e libertat di skohe pa hasi bon òf malu, pero el a haña un deseo pa ser adorá. Su deseo pa haña gloria tabata mas fuerte ku su deseo pa agradá Dios.—Lesa Mateo 4:8, 9; Santiago 1:13, 14.

Kon Diabel a sigui influensiá hende? Bo mester tin miedu di dje? Bo por haña kontesta riba e preguntanan ei den Beibel.