16 el Suobel

Mochotii A Bltkil A Rengum El Mo Er A Dios

A lsoam el orekedii a sechelim, e ngkirem el mengedecheduch er ngii. Ke orrenges er ngii, e ngii a orrenges er kau. Ke dirrek el ouchais er a rebebil a ungil el tekoi el kirel a sechelim. Ngdi osisiu sel bo desechelil a Dios. Molatk aike el lolekoi a Biblia el kirel tiang:

Bo blechoel el mengedecheduch er a Jehovah el ngar er a nglunguuch. “Diblechoel meluluuch.”—Rom 12:12.

Monguiu er a Tekingel a Dios, el Biblia. “Ele chedaol Llechukl el rokui a melluches luleak a Reng ra Dios, me ngngarngii a blkul er chosisechakl, ma chomellach, ma chomekmelemalt.”—2 Timoteus 3:16.

Molisechakl er a rebebil el kirel a Dios. “Misei e morael el mora rokuil renged el rulleterir ar chad el mo Obengkek, . . . E molisechakl er tir me bo lolab a ikel rokui el bla kdu er kemiu.”—Matteus 28: 19, 20.

Molekeed er kau er a resechelil a Dios. “Mosuub rar mellomes a rengrir el chad me bo le mellomes a rengum.”—Osisechakl 13:20.

Bo er aike el miting el ngar er a Kingdom Hall. “E bo de kasisiich el omekses a bltikerreng ma ungil lomeruul, . . . e bai de kachelechel.”—Hebru 10:24, 25.

Molengeseu er a ureor er a Renged. “A dertal chad bo loruul [el melenget] el ua ikel telbilel a rengrir, e lak lorreked ma lak le morimel, ele Dios a betik a rengul er ngikel dmeu a rengul el melenget.”—2 Korinth 9:7.