Ngmekera Miting er a Resioning er a Jehovah e Sebechel Ngosukau?

Ngmla ta le invite er kau el mora miting er a Resioning er a Jehovah? A lsekum e ngdirkak a ta el obong, e ke locha kora bekikl el mong. Ke locha melatk el kmo: ‘Ngera duubech er aika el miting? Ngera uchul me ngkmal klou a ultutelel? Ngera klungiolel ak kbong?’ Ngar tia el suobel e ke mo suubii a rolel e a obo mkldibel lobengterir a rebebil, e ngmo ngosukau el mo kmeed er a Dios e ngosuir a klengar er kau.

1. Ngera sel kot el klou a ultutelel luchul me kede mo kldibel?

Molatk a tekingel a ta er a milluches er a Biblia el kirel sel kot el klou a ultutelel luchul me kede mo kldibel lobengterir a rebebil. Ngdilu el kmo: “Ak mo oldanges er a RUBAK er a chelsel sel klou el ongdibel.” (Psalm 26:12) Ngdi osisiu, a Resioning er a Jehovah a kmal dmeu a rengrir el mo dmak el kldibel. Meliuekl er a beluulechad el rokir, e te mo kldibel er a bek el sandei e oldanges er a Dios, mengitakl, e meluluuch. E ngar ngii aike el taem er a bek el rak el loruul a meklou el ongdibel e dmak el meruul er a omengull er tir.

2. Ngera ke mo suub er aika el miting er kemam?

Ngar er a miting e te olisechakl er a Tekingel a Dios, ‘mesaod er ngii me ng mo sebechir a re chad el omtab er ngii.’ (Monguiu er a Nehemia 8:8.) Sel obora miting e ke mo mesuub el kirel a Jehovah me a blekerdelel. Sel monglou er a klemedengei er kau el kirel a bltkil a rengul el mo er kau, e ke mo kmeed er ngii. Ke dirrek el mo suubii a rolel e ngsebechel ngosukau el mo ungil a klengar er kau.​—Isaia 48:17, 18.

3. Ngmekera lengesukau tirke el obo modengelterir er a miting?

A Jehovah dmu el kmo, “bo de kaukerreu e de kaingeseu el olecholt er a bltikerreng e doruul a ungil. E lak dongoit a ongdibel er kid.” (Hebru 10:24, 25) Ngar aika el miting e ke mo medengelterir a rechad el tir a mera el kaukerreu, e uai kau el sorir el mesuub el kirel a Dios. Ke mo rongesterir el share a uldasu er a Biblia el ngii a kmal melisiich. (Monguiu er a Rom 1:11, 12.) Ngdirrek el ngar ngii a techellem el mo mengedecheduch er a rechad el tir a chelebangel a mondai el lechebangel a remesobil me a rebechiil el chad, engdi ngkmal dirk dmeu a rengrir. Aikakid a di bebil er a uchul me a Jehovah a kmal soal a bo deblechoel el kldibel.

BOM DMOLECH EL MERRITER

4. Miting er a Resioning er a Jehovah

Tirke el mle kot el Kristiano a mle blechoel el mo kldibel e mengull er a Jehovah. (Rom 16:3-5) Monguiu er a Kolose 3:16 e mosaod er tia el ker:

• A rekot el Kristiano, ngmle uangerang a teletelel a loruul omengull er tir el mora Jehovah?

VIDEO: Ngera Meketmokl er a Blil a Ongdibel? (2:12)

• Ngera el klaisisiu omesa er aike el meketmokl er a Blil a Ongdibel me aike el mulenguiu er a Kolose 3:16?

• Ngar ngii a obilsang er a video me a lechub e ngsiasing el kmal soam?

Monguiu er a 2 Korinth 9:7 e mosaod er tia el ker:

• Ngera uchul me a miting er a Resioning er a Jehovah a di tada?

Momes aike el mo soadel er a ta er aike el miting er chelecha el week lobengkel a chad el mesuub lobengkem.

• Ngera el telengtengil a miting a kora kmal soam me a lechub e ngsebechel ngosukau?

Ke medengei el kmo ngerang?

Ngsebechem el mo medengelii a taem me a basio er a miting er a ngii di el beluu er a beluulechad er a jw.org.

1. A uldimukl er aika el miting er kemam a cheldecheduch, demonstration, me a video. A miting a omuchel e mechesimer loeak a chelitakl me a nglunguuch

2. Ngar er a bebil telengtengil a miting e te invite er a rechad el mo ouchais a uldesuir

3. Aki outkeu er a rokui el chad el mei el telungalek, remesobil, remechudelang, me a rengalek

4. A miting er kemam a di tada. Ngdiak a merael el melai a tenget me a lechub em harau el me soiseb

5. Ngngar ngii a mo kirem el meruul me bo lsebechem el mei er a miting

Molatk er a telungalek er a Jesus. A bek el rak e te mlara Nasareth e merrael el 60 el mael loeak a rois el mora templo er a Jerusalem. Monguiu er a Lukas 2:39-42 e mosaod aika el ker:

• Omomdasu e ngmla er ngii a kirir el meruul me bo lsebechir el mo er tia el omerael el mora Jerusalem?

• Ngera uchul me nglocha mo ngar ngii a kirem el meruul me bo lsebechem el ngar er a miting?

• Alta nglocha mo meringel er kau a mei er a miting, engdi omomdasu a miting ngungil el kirem? E ngera uchul me ke melekoi el uaisei?

• Ngera uchul me ngkired el blechoel el ngar er a miting?

SUMMARY

Sel obora miting e ngmo ngosukau el suub a lmuut el betok el kirel a Jehovah, me ngii a lmuut el mo dmolech a deleuill er kau me ngii, ke dirrek el mo teloi er a rebebil el mengull er ngii.

Review

• Ngera uchul me a Jehovah a melisiich er kid el mo kldibel?

• Ngera ke mo suub er a miting er a Resioning er a Jehovah?

• Omomdasu e ngera dirrek el ta er a rolel e a miting a sebechel ngosukau?

A LSEBECHEM E MOMES

Ke mekerang a lsekum e ngomai er a rengum a mora miting? Mesa ta el chad el mle uaisei a uldesuel e chelecha ngkmal soal ngar er a miting.

We Will Never Forget the Greeting (4:16)

Mesa ta el chad el ngii a kmal mlo soal a miting me aike el lurruul me bo lsebechel mong er a bek el blsechel.

I Liked the Meetings So Much! (4:33)

Bo modengei a uldesuir a rebebil el kirel a miting.

“Why Attend Meetings at the Kingdom Hall?” (Suobel el ngar er a Internet)

Mesa rolel e a ta el mekngit a blekerdelel el chad el chedal a gang a milengodech a klengar er ngii er a lebora miting er a Resioning er a Jehovah.

“I Never Went Anywhere Without My Gun” (The Watchtower, July 1, 2014)