09 EL SUOBEL
Bo Mkeed er a Dios Loeak a Nglunguuch
Kau, ngngar ngii a taem el bo molechesuar el kmo kousbech a ulekrael? Ngngar ngii a meklou a ultutelel ker el soam a lemonger? Kousbech ongelaod me a lechub e ngchad lolterekokl er a rengum? Ngsoam el mo omelechesiu er kau el kmeed er a Jehovah? A nglunguuch a sebechel ngosukau er aika el rokui. Engdi ngera melemalt el rolel a doluluuch? A Dios, ngorrenges a rokui el nglunguuch? Ngera sebechem el meruul loterekeklii el kmo, a Dios a orrenges a nglunguchem? Ka me dosaod.
1. Ngkired el meluluuch el mo er techang, e ngera sebeched el meluluuch el kirel?
A Jesus a ullisechakl el kmo ngkired el di meluluuch el mora Demad el ngar er a eanged. A Jesus a milluluuch el mora Jehovah. Ngdilu el kmo: “Ng ua tiakid cho moluluuch: ‘Demmam el ngar a eanged . . . ’” (Mateus 6:9) Sel doluluuch el mora Jehovah e kede smisichii a deleuill er kid me ngii.
Ngkmal sebeched el meluluuch el kirel a ngii di el tekoi. Me nguaisei engdi a lsekum e ngsoad a lemonger a nglunguched e ngkirel loltirakl er a soal a Dios. “Kede ulterekokl el medengei el kmo ng rongesid a dolengit a ngii di le ngerang er ngii el ultuil er a ikel tekoi el ungilbesul er a rengul.” (1 Johanes 5:14) A Jesus a milskid a bebil tekoi el sebeched el meluluuch el kirel. (Monguiu er a Mateus 6:9-13.) Ngsebeched el meluluuch el kirel a tekoi el dousbech me nguaisei, engdi ngdirrek el diak el kired lobes el meluluuch el oureng a sulel a Dios el kirel aike el bla leruul el kired, e olengit er ngii me lolengeseu er a rebebil.
2. Ngkirel uangerang a doluluuch?
A Biblia melisiich er kid el kmo, “Msbedii [a Dios] a ikel ngar a rengum.” (Psalm 62:8) Me a nglunguched a kirel mera el ngar er a rengud. Ngsebeched el meluluuch el klou a ngered me a lechub e ngdi ngar er a rengud, e a teletelel a blekerdelel a doluluuch a kirel lochotii a omengull el mora Jehovah. Ngsebeched el meluluuch er a ngii di el taem me a ngii di el ker.
3. Ngmekera Dios a longer a nglunguched?
Ngoeak a betok el kakerous el rolel. A Jehovah mla meskid a Tekingel el Biblia, el debetik a nger er a kerid er ngii. Omengiuel a Tekingel a Dios a “mesterir a llomeserreng tirkel diak er tir.” (Psalm 19:7; monguiu er a Jakobus 1:5.) A Dios a dirrek el meskid a budech sel bo dechelebangel a omelsemai. Ngdirrek el sebechel odbecheterir a remesiungel el mo olengeseu er kid sel bo dousbech a ngeso.
BOM DMOLECH EL MERRITER
Morriter a rolel e ngsebechem el meluluuch el mora Dios el ngar er a rolel e ngodeuir a rengul, e mesa rolel e a nglunguuch a mo uchul a klungiolem.
4. A Dios a ngar ngii a longerechir er a nglunguched
Ngera olterekokl el kmo a Dios a mo kongei me a lechub e ngdiak el lekengei a nglunguched? Momes er a a VIDEO.
A Jehovah soal a doluluuch el mo er ngii. Monguiu er a Psalm 65:2 e mosaod aika el ker:
Omomdasu e ngika el ‘onger a nglunguuch,’ ngsoal omoluluuch el mo er ngii? Ngera uchul me ke melekoi el uaisei?
A lsoad a Dios a longer a nglunguched e ngkired el mo kiei el oltirakl a llechul. Monguiu er a Mika 3:4 me a 1 Petrus 3:12 e mosaod er tia el ker:
Ngmekera doterekeklii el kmo a Jehovah mo orrenges a nglunguched?
A temel a mekemad e tirke el kaumekemad a di dul mo meluluuch el kmo bo lekats. Ngmera el sebeched el omdasu el kmo a Dios a mo onger a nglunguchir?
5. Ngkirel ngar er a rengud el meluluuch
A rebebil er a rechad a mlosisechakl el mo omelekl a nglunguuch. Me nguaisei, engdi tiakid ngrolel e a Dios a soal a doluluuch? Monguiu er a Mateus 6:7, BT e mosaod er tia el ker:
Ngmekera mo sebeched el diak di de “omelekl” a osisiu el tekoi sel doluluuch?
A bek el sils e ngsebechem el melatk a ileakl el klengeltengat er a klengar er kau, e meluluuch el mereng a sulel a Jehovah el kirel. A omoruul er tiang er a bek el sils el ta el sandei, e ke mo meluluuch el kirel a euid el kakerous el tekoi e diak momelekl a tekingem.
A ungil chedam a soal a ngelekel a louchais er ngii aike el ngar er a rengul. Ngdi osisiu, a Jehovah soal a lemera el ngar er a rengud el meluluuch el mo er ngii
6. A nglunguuch a sengk el mlara Dios
Ngmekera nglunguuch e meskid a klisiich er a chelsel a ungil me a mekngit el taem? Momes er a VIDEO.
A Biblia tibir el kmo a nglunguuch a kmal sebechel rullii el mo budech a uldesued. Monguiu er a Filipi 4:6, 7 e mosaod aika el ker:
Me alta nglunguuch a locha diak bo lecheridii a mondai er kid, engdi ngmekera ngosukid?
Ngera bebil er a tekoi el soam el mo meluluuch el kirel?
Ke medengei el kmo ngerang?
A tekoi el “amen” a belkul a kmo “bo leuaisei.” Ngulemuchel er a taem er a rechad er a Biblia el mei, e tia el tekoi el “amen” a lolekoi er ngii er a ulebengelel a nglunguuch.—1 Kronika 16:36.
7. Mketmeklii a temem el meluluuch
A lebebil e kede kmal mo mechesang me kede obes el meluluuch. Ngmle uangerang a klungel a ultutelel a nglunguuch el mora Jesus? Monguiu er a Mateus 14:23 me a Markus 1:35 e mosaod aika el ker:
Ngera ngmirruul a Jesus me lebo er ngii a temel meluluuch?
Oingerang el taem a sebechem el kutmeklii el mo temem el meluluuch?
A REBEBIL A KMO: “A nglunguuch a di doruul er ngii el meruul er a rengud.”
Ke mo dmu el kmo ngerang?
SUMMARY
Sel doluluuch el ngar er a rengud e ngolekeed er kid er a Dios, rullii el mo budech a uldesued, e meskid a klisiich el mo meruul a tekoi lodeuir a rengul a Jehovah.
Review
Ngkired el meluluuch el mo er techang?
Ngkirel uangerang a doluluuch?
Ngera bebil er a klungiolel a nglunguuch?
A LSEBECHEM E MOMES
Betik a nger er aike el ker el blechoel loker a rechad el kirel a nglunguuch.
“Eim el Tekoi el Kirem el Mo Medengei el Kirel a Nglunguuch” (A Ongkerongel, November 1, 2010)
Mosuub el kirel a meklou a ultutelel luchul me ngungil doluluuch me a rolel e ngsebechel a nglunguchem el lmuut el mo ungil.
Morriter aike el ledu Biblia el kirel a kmo, ngtecha kired el meluluuch el mo er ngii.
Mutebengii er tia el music video el kmo, ngkirel ngar ngii a ileakl el taem me a basio el doluluuch er ngii me a lechub e ngdiak.