A Tekoi el Kired el Kutmeklii

Sel kesus er a uchei er a letengetengii a klengar er ngii, e a Jesus a ullisechakl er a reblak a rengrir el rultirakl er ngii el mo blechoel el melatk, e mengedaol er a tengetengel. Me nguluusbech er a diak a omkukel el blauang me a bekerekard el bilong el ngar er mederir, e mlo omuchel el meruul er a tekoi el domekedong er ngii el kmo Ngulebongel el Blengur me a lechub e ng Chedaol Blsoil er a Rubak e millekoi el kmo: “Moruul er ngii el kirel omeltkiu er ngak.”​—Lukas 22:19.

A bek el rak, e a Resioning er a Jehovah a mo dmak el meliuekl er a beluulechad el rokir e mengedaol er a kodellel a Jesus el ngar er sel blsechel. Ngar er a rak er a 2014, e a Chedaol Blsoil a mo er ngii er a Kot el Ureor, April 14, er a uriul er a ngeltel a sils.

Aki mengemedaol er kau el mei er tia el miting e le ngmo er ngii a lmuut el bebil er a omesodel a klungel a ultutelel a olubet el tengetengel a Jesus. Tiang a di tada e diak a tenget el bo lolai er a rechad. Ngike el chad el milskau tia el babier a sebechel el ouchais er kau er a taem me a basio el lebo er ngii tia el Chedaol Blsoil el ngar er a basio el mkiei er ngii, me a lechub e ngsebechem el mo er a Web site er kemam el jw.org. Aki olengit me lak mobes el kirel tiaikid el taem, e kmal oureng el kmo ngmo sebechem el mei.