“Ngua Ngera Ildisel el Taem a Kirek el Meluches?”

Ngmla ta el di el kau el oker er kau er tia el ker? Ngar er ngii a ulekrael el kirel tia el tekoi el sebeched el metik er sel Omesiunged el kirel a Renged er a December 2006. Ngngar er ngii a lmuut el bebil el ngar er a baks er aike el kerrir a rechad er a Omesiunged el kirel a Renged er a September 2008. Me ngii el kakerous a blekeradel a uchul, me ngdiak a llechukl el ulekrael el kirel aika el tekoi. Me a leuaisei, e a remechuodel me a rebebil er a rechad a diak el kirir el di tir el melechel aika el ulekrael.

A lsekum e ngmo duubech a ker e diak a ulecholt el ulekrael el kirel, e a derta el chad el mla mo oldingel a obliil a kirir el melatk el kmo: Tia el temek ngmilechoit el kirel a omesiungek? Me a lechub e ngmilechoit el meruul a bebil er a tekoi el ngii a diak el telengtengil a omesiungek? Aike el tekoi el doluches er a chelsel a report er kid er a bek el buil a kirel el mo uchul a deuil a rengud el diak el uchul a mekngit el ukltked. (Rel. 23:1) Nguaisei, a klou a ultutelel el tekoi el kired el melatk er ngii, a diak el ildisel a taem el dechiloit el meruul er a omesiunged, e ngbai sel rolel e kede mlo ungil el ousbech a temed el kutmeklii a omesiunged.​—Heb. 6:11.