Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a Ongeru el Buil

Mnguu a tract el Kau Ngsoam el Mo Medengelii a Klemerang? el msang a chad er a blai e moker er ngii aike el ker el ngar er a medal tia el babier. E mdu el kmo: “Aikakid a di bebil er a meklou a ultutelel el ker el sebeched el metik a nger er ngii er a chelsel a Biblia. Ngmla ta el molatk aika el ker?” E a uriul er a longer er kau, e ngsebechiu el dmak el mesaod er a nger er a ta er aike el keril el ngar er a tract, e menguiu er a ta er a bades. Moterekeklii a temem el lmuut el mong e mosaod er a ta er aike el ker.

A Ongkerongel January 2012

“Ngmla ta el molatk el kmo ngera uchul me ngkmal betok a meklou el tellemall er chelecha el taem? [Morrenges er a nger er ngii.] Ngmechas a rengud er ngii el tekoi, e le a Biblia a ulemlaoch el kirel a taem el mo er ngii aika el meklou el tellemall. [Monguiu er a Matteus 24:​7, 8.] Tia el babier a mo onger a chouaika el ker el kmo: Ngera uchul me kede omes a kmal betok el meklou el tellemall er chelecha el taem? A Dios ngomals er kid el ousbech aika el tekoi? Ngera el tekoi a ngar er ngii el rullid el mo oumerang el kmo a Dios a di kmedung e ngmo okngemed a rokui el meklou el tellemall?”

A Ongkerongel January 2012

“A rebetok el chad a omdasu el kmo a Dios a ousbech aika el meklou el tellemall el omals er a rechad. Ngera uldesuem el kirel tiang? [Morrenges er a nger er ngii.] A meklou el tellemall a ngar er ngii a lerellii er a rokui el chad. A Biblia a olecholt er a uchul me a Dios a kmal diak bo lomals er a rediak a telemellir el chad el ousbech a meklou el tellemall. [Monguiu er a 1 Johanes 4:⁠8.] Tia el babier a olecholt a betok el tekoi el ngar er a Biblia el uchul me ngsebeched el oumerang el kmo a Dios a kmal diak bo lomals er a rediak a telemellir el chad.