A Ulterekokl el Web Site er Kid a Sebeched el Ousbech er Ngii er a Omesiunged

Momekrael er a Rechad el Mo er a Web Site er Kid: A rebebil el omai er a rengrir a mengedecheduch er kid me a lechub e te melai a babilenged a bai kongei el mo medengelterir a Resioning er a Jehovah el oeak sel lengar er a blirir e lomes er a jw.org. Me a leuaisei, e mousbech a bek el techall el ouchais el kirel a Web site er kid.

Monger a Ker: A lebebil er a taem, e a chad er a blai, semeriar el chad, me a lechub e ngchad el modengelii a mo oker er kau a ker el kirir a Resioning er a Jehovah me a lechub a klaumerang er kid. Mochotii a nger er ngii el ousbech er a mobile device me a lechub e ng computer. Ngblechoel el ungil a lsekum e ke otebedii a Biblia er kau e menguiu a bades er a chelsel. A lsekum e ngdiak a Internet er a basio el omngar er ngii, e msodii el mo er a chad a rolel e ngsebechel el mo er a jw.org el mo metik a nger er a keril.​—Bo er a “Bible Teachings/Bible Questions Answered” me a lechub e ng “About Us/Frequently Asked Questions.”

Modureklii a Suobel me a lechub e ng Babier el Mo er a Chad el Modengelii: Modekiar a PDF me a lechub e ng EPUB el mo er a e-mail. Me a lechub e ke download er a babier el sebeched el di orrenges er ngii el mo er a CD. Sel momsang a chad el dirkak lemetecholb a buk, brochure me a lechub e ng magazine el ngar er a Web site, e ngsebechem el omechur er ngii. Sel moldurokl a babier, e lak momart er a ngklem me a lechub e moldurokl a betok el babier er a ta el taem. Ngdirrek el diak el kirem el omelecha er ngii er a kuk ta er a Web site.​—Bo er a “Publications.”

Mocholt a Beches el Chais el Kirir a Resioning er a Jehovah: Tiang a mo ngosuterir tirke el mesuub er a Biblia me a rebebil el moldingel er tir el mo mekurulii a omereng el saul el kirel a urered el meliuekl er a beluulechad el rokir me a kltarreng er kid a Rekristiano. (Psa. 133:1)​—Bo er a “News.”

[Diagram el ngar er a 5 el llel]

(A lsoam el omes er ngii, e momes er a babier)

Ka Molasem er Ngii

1 Ngar cheungel a “Publications” e mosiik er sel soam el download er ngii, e betir sel text me a lechub e ng audio format el soam.

2 Betir a MP3 me bo lecholt a derta el suobel. Betir a dai er a suobel me bo el sebechem el download ▸ me a lechub e ke orrenges er ngii.

3 Mngiltii a ta er a omelekoi el ngar tia el list a lsekum e ngsoam el download a babier el ngar sel omelekoi.