Bo Mungil el Ousbech Aike el Mechut el Magazine

Aike el mechut el magazine a diak el sebechel el mo uchul a klungiolel a chad a lsekum e ngdi medechel me a lechub e ngmechoit, me ngbai ungil a dorous el mo er a rechad. A di chimo el magazine a sebechel el rullii a chad el mo semeriar el kirel a klemerang e mo omuchel el ousbech er a ngklel a Jehovah. (Rom 10:13, 14) Aika el ngar er iou a bebil er a rolel e ngsebeched el mo ungil el ousbech aike el mechut el magazine.

Sel doldingel aike el basio el diak deblechoel el mo oldingel er ngii, e debo er aike el blai el dibus a rechad er ngii e ngungil a debecherei a babier er a basio el diak a rengodech el chad el engelakl e mesang.
Sel dousioning er a buai e dengar er a airport me a lechub aike el basio el lengar er ngii a rechad el mengiil a bus me a train, e ngsebeched el oker er a rechad a lsekum e ngsorir el menguiu, e ocholt er tir a bebil er a mechut el magazine e mechititerir me te melilt el kmo ngera sorir.
Sel debo er a laundromat, blirir a remechuodel, clinic, me a ngii di el basio el ua aikang el ngar er aike el basio doldingel er ngii, e ngsebeched el mechei a bebil er aike el mechut el magazine el ngar er aike el lengar er ngii a rechad e mengiil. A lsekum a merreder a ngar er sei e ngungil a de nguu a kengei er ngii. Me a lsekum e kede mesa el kmo ngar er ngii a magazine el medechel, e ngdiak domechei a lmuut el bebil.
Sel mongetmokl er kau el mo oldingel er tirke el semeriar, e molatk el kmo ngera el tekoi a lesemeriar er ngii. Ngar er ngii a telungalek er ngii? Ngsoal el omais a beluu? Ngsoal el meruul a dellomel? Momes aike el mechut el magazine er kau el kmo ngar er ngii a ta er ngii el bo lesemeriar el menguiu er ngii, e mochotii sel bo moldingel er ngii.
Sel bla bo el betok el taem el bo moldingel er a chad el semeriar e kol mocha metik er ngii er a blil, e mocholt er ngii aike el mechut el magazine el dirkak leues.