“Bsang a Chad a Meketeketang el Makesin me a lechub a Brochure el Lesemeriar er Ngii”

Ngar er aike el buil el dorous er a Biblia Olisechakl el babier e domuchel a omesubel a Biblia sel dekot el mengedecheduch er a chad, e ngungil a debsang a meketeketang el makesin me a lechub a brochure el lesemeriar er ngii, alta e ngika el chad a mla mo er ngii a babilengel e diak el soal el mesuub. E ngera uchul?

A brochure me a meketeketang el makesin a mesaod a kakerous el suobel. Nglocha ngar er ngii a ta er aika el babier el sebechel el rutechii a rengul a chad el ngar er a blai. Me sel taem el mongetmokl er a tim el mo oldingel, e mngai a bebil er a kakerous el brochure me a meketeketang el makesin el smuk er a chelsel. A lsekum e ngdiak a meketeketang el makesin er kau, e ngsebechem el ngmai a bebil er a magazine counter. A lsekum a chad a mla mo er ngii a Biblia Olisechakl el babilengel e diak el soal el mesuub a Biblia, e ngsebechem el ocholt a bebil er aika el makesin me a lechub e ng brochure, e molengit er ngii me lengai aike el babier el lesemeriar er ngii. E sola e mketmeklii a temem el lmuut el mong e momekeroul er a klemeriarreng er ngii. Nglocha mo er ngii a ungil el techall er a omesubel a Biblia.