Molemolem el Meluluuch el Olengit er a Kengei er a Dios

A Dios a milsterir a rechad a ileakl el sengk, el sebechir el mengedecheduch er ngii e ouchais a ngar er a rengrir lokiu a nglunguuch. A profet David a milluluuch el kmo: “Ele konger a nglunguuch. A rokui el chad a mer kau el kirel a kngterir.” (Psalm 65:2) Engdi ngmekera doluluuch me bo demorenges e demukngeltengat er a Dios?

MOBA NGARIOURRENG LOUCHAIS AIKE EL NGAR ER A RENGUM

A nglunguchem a meskau a techall el mo ‘subedii [a Dios] er a ikel ngar a rengum.’ (Psalm 62:8) Ngika el Olab a Bek el Klisiich a kmal soal a chouaisei el nglunguuch el mera el ngar er a rengum.

MONGEDECHEDUCH ER A DIOS LOUSBECH ER A NGKLEL

Alta Dios a betok a dial, engdi ngdi chimong a ngklel. “A ngklel a [Jehovah].” (Exodus 15:3)a Kede metik er tia el ngakl el Jehovah el betok er a 7,000 el taem er a chelsel a Chedaol Llechukl. A rebetok el profet a milengedecheduch er a Dios lousbech er a ngklel. A Abram el uriul e ngmlo Abraham a milluluuch el mora Dios el kmo: “[Jehovah] el Dios er ngak.” (Genesis 15:2)b Kid me ngdirrek el kired lousbech er a ngklel a Dios el Jehovah sel doluluuch.

MOLULUUCH EL NGAR ER A OMELEKINGEM

A Dios a medengei a uldesued me a ngar er a rengud alta kede ousbech a kakerous el omelekoi. A Tekingel a oterekeklii a rengud el kmo: “A Dios a meral di osisiu er a rengul a re bek el chad. Ma chad er a ngii di le beluu el mengdekudel er ngii e meruul a melemalt a diak bo le chitii.”​—Rellir 10:34, 35.

Me nguaisei, engdi a lsoad el mukngeltengat er a Dios e ngdiak di doluluuch e lemerekong. Me bo dosaod a bebil er a kired el meruul.