Ngsebechek el Mo Auxiliary Pioneer er Oingerang?

A ues el lilsang a Esekiel el kirel a templo a olecholt el kmo a rechedal a Jehovah a mo merous aike el ngar er ngii er tir. Me ngoeak a ngera el rolel e ngsebeched el oldars a tenget er a odanges?​—Heb 13:15, 16.

A ta er a kot el ungil rolel a doruul er tiang a oeak sel dosiou el auxiliary pioneer. A rak er a omesiou er a 2018 a ngar er ngii a bebil er a buil er a chelsel el eim a Sebadong me a lechub a Sandei er ngii. E tiang a kmal ungil el kirir tirke el oureor el mui el taem me ngdi sebechir el oldingel sel le Sebadong me a Sandei. A re publisher a dirrek el sebechir el melilt el mo oldingel el 30 me a lechub e ng 50 el sikang er a Ongedei me a Ongeua el Buil me sel temel a odngelel ngike el odam el oldingel a ongdibel.

Engdi ngkuk mekerang a lsekum a blekerdelel a klengar er kid a uchul me ngdiak el sebeched el mo auxiliary pioneer? Ngsebeched el rullii a omesiunged el lmuut el mo ungil e dirrek el mo menglou er ngii. Me a ngii di el blekeradel el dengar er a chelsel, e a bltikerreng er kid el mo er a Jehovah lerellid el mo msang aike el kot el ungil er kid er a rak er a omesiou er a 2018!​—Hos 14:2.

MOMES ER A VIDEO EL WITH JEHOVAH, I CAN DO ALMOST ANYTHING, E MONGER AIKA EL KER:

• Ngera millisiich er a Sabina el mo menglou er a omesiungel el mo er a Jehovah?

• Ngmekerang a kerebil a Sabina e melisiich er kau?

• Ngar er a rak er a omesiou er a 2018, e ngera el buil a sebechem el mesiou el auxiliary pioneer?