Rolel e Ngsebechem el Metik er a Budech Alta Ngngar Ngii a Mekemad me a Klautok
A Gary el mle soldau er a uchei a kmo: “A uchei er a bo kusuub er a Biblia e ngdimlak kudengelii a uchul me ngkmal klou er a beluulechad a mekngit me a diak el melemalt el omeruul. Engdi chelechang e ngmla mo budech a uldesuek. Ak medengei el kmo a Jehovah mo rullii a beluulechad el mo safe el basio.”
Ngdiak di el ta el Gary a feel el uaisei. Morriter er a rolel e a Biblia a mla ngosuterir a rebebil.
A BIBLIA KMO: “Kau [e Jehovah] a ungil, e ousubes a tellemall.”—Psalm 86:5.
ROLEL E NGNGOSUKID: “Tia el bades a olterekokl er a renguk el kmo a Jehovah a chubechubechad. Ak medengei el kmo ngkongei lousubes aike el rokui el kriruul er a ngar er a mong er a kteloi a mekemad.”—Wilmar, Colombia.
A BIBLIA KMO: “Ak meruul er a beches el beluulchad ma beches el melidiul. A ikel dilubech el tekoi er a ngar a mong a kmal di mo diak a melatk.”—Isaia 65:17.
ROLEL E NGNGOSUKID: “Ngak el mle soldau a uchul me ak smecher er a post-traumatic stress disorder me a depression. Engdi tia el bades omeklatk er ngak el kmo ngdi kmedung e a Jehovah mo mutek a ngerel aika el mekngit el uldasu el di oldechelakl er ngak e stob a rokui el mekngit el berrusek. Ngmera el ileakl el sengk!”—Zafirah, Merikel.
A BIBLIA KMO: “A llemalt a mo meleketek er a klemengetel a klengar er ngii, me a budech a mo er ngii el dimerekmo bo lak a buil.”—Psalm 72:7, NW.
ROLEL E NGNGOSUKID: “Ak blechoel el melatk aika el tekoi. Ngdi kmedung e a mekemad me a rokui el telemellel a mo diak, me kid a mo diak deluut el mo bekikl el kirel a klengar er a rebetik er a rengud.”—Oleksandra, Ukraine.
A BIBLIA KMO: “Tirkel mlad el chedad a lmuut el mo chad . . . Tirkel ulekedurs er a debellir a mo mekiis e mo mengitakl er a deurreng.”—Isaia 26:19.
ROLEL E NGNGOSUKID: “Almost el rokui el chedal a telungalek er ngak a lulekodeterir er a temel a koadelchad el dilubech el mora klebliil er a Tutsi. Engdi tia el bades a mengelaod er ngak el kmo ak lmuut el mo meseterir. Ak kmal lomes el beduluchei el lmuut el mo orrenges a oto er a ngerir sel lebekiis er a kodall!”—Marie, Rwanda.
A BIBLIA KMO: “Ngdi telkib kung, e a re dengerenger a mo dibus . . . ngdi tirkel medemedemek a mo ungilbesrir el kiei el ngar a beluu el ungil a rengrir er a cherrungel budech.”—Psalm 37:10, 11.
ROLEL E NGNGOSUKID: “Alta ngmla mo merek a mekemad engdi ngdirk betok a diak el melemalt el omeruul me a remekngit el chad. Tia el bades a kmal mla ngosukak. A Jehovah a mes a rokui el tekoi e medengelii a blekeradel el kngar ngii. Ngtibir el kmo ngdi kmedung e a rokui el ringel a mo diak me ngii a diak deluut el mo lmatk.”—Daler, Tajikistan.
A rechad el losaod er tir tia el magazine a rebebil er tirke el betok el miliol el Sioning er a Jehovah, el tir a mla mongeseu el metik er a budech el loeak a Biblia. Te mla suubii el mo diak longetukel er a rechad el ngodech a belurir me a kleblillir er tir e mo diak louketui er a rechad. (Efesus 4:31, 32) A Resioning er a Jehovah a neutral a uldesuir er a tekoi er a balatiks e kmal diak lekengei el mo teloi a tekoi el ngii a mo melemall er a rebebil.—Johanes 18:36.
A Resioning er a Jehovah a dirrek el kaingeseu er a delongelir el ua chimo el telungalek el kmal kaukerreu. (Johanes 13:35) El ua tiang, mekemad a uchul me a Oleksandra el dulsaod er ngii er a uchei a mlo kirel chemiis ngii me a ta er ngii el redil el mora kuk ta er a beluu. Ngmelekoi el kmo: “Sera ki miuul er a border e aki di mle mereched el meseterir a Resioning el kiliei er tia el beluu el milengiil el mo outkeu er kemam. A ngelsurir a ngilsukemam el mo meduch el kiei er tia el beches el beluu.”
Aki kmal outkeu er kau el mei er aike el ongdibel er kemam el ngar isei e aki mesuub el kirel a klumech er a budech el ngar er a Biblia me a rolel a doltaut er ngii. Msikii a blil a ongdibel el kmeed er kau me a lechub em request er a diak locheraol el omesubel a Biblia el di rolel a cheldecheduch lobengterir a Resioning er a Jehovah lousbech er a babier el Mkiei el Mo Cherechar! el ngar er a jw.org/pau.