Telemellel a Mekemad
A mekemad a ta er aike el kot el mekngit el tekoi el sebechel duubech el mora chad. A resoldau me a rechad er a beluu el mla chormii a mekemad a kmal ungil medengei a telemellel.
RESOLDAU
“Ke di omes er a rechad el kaimekmad e kmal klou el metemall. Ngdi klider a delechim.”—Gary, Britain.
“Nguleboes a ulkek me a medak. Ak dirrek el milsterir a rebetok el chad el mad luldimukl er a rengalek me a remechudelang. A mekemad a docherecherii a rengum.”—Wilmar, Colombia.
“A chad sel loboes er medam, e ngdiak el sebechem el erase er ngii er a uldesuem. Ke di omes er ngii er a bdelum el oldiu e chuarm. Ngdiak el sebechem lobes er ngii el chad.”—Zafirah, Merikel.
RECHAD ER A BELUU
“Ak mle feel el kmo ngkmal diak el sebechek el lmuut el metik er a deurreng. Ak di mle medakt el kirel a klengar er ngak, a ngaruchei er ngii e ak mle medakt el kirel a klengar er a telungalek er ngak me a resechelik.”—Oleksandra, Ukraine.
“Ke omritel er a dakt el dechor er a line el mo melai a kall er a 2:00 a.m. el mo 11:00 p.m., el diak modengei el kmo ke mo oboes er a bosir a re chad el kaumekemad el kmeed er kau.”—Daler, Tajikistan.
“A mekemad a uchul me a kurrideterir a rechad er a blik. Nguchul me ngmlo diak a demak me a delak lomekerreu e mengelaod er ngak.”—Marie, Rwanda.
Me alta tirka el chad a mlo chuarm el mekemad a uchul, engdi te mla metik er a budech. Ngdirrek el kmal ulterekokl a rengrir el kmo a rokui el mekemad me a klautok a di kmedung e ngmo diak. Tia el Ongkerongel a mousbech er a Biblia el smodii a rolel e tia mo meketmokl.