Ngtechang a Jesus?

A Jehovah a uldureklii a Jesus el mei er a beluulechad. 1 Johanes 4:9

A lsekum e ngsoad el oldeu er a rengul a Jehovah, e ngkmal kired el mo olengesenges er a lmuut el ta er a klou a ultutelel el chad. Kemanget el taem er a uchei er a lobeob a Adam, e a Jehovah a milebii a mesisiich el anghel el ngar er a eanged.

Me ngmlo er ngii a taem e a Jehovah a uldureklii el me mechell er a Bethlehem el mlo ngelekel a klikiid el ekebil el Maria, e mlungakl el Jesus.​—Johanes 6:38.

A Jesus er a dirk el ngar tia el chutem e ngmle cherrungel el olecholt aike el blekerdelel a Dios. Ngmle chubechub, e betik a rengul, e dirrek el kmal mle ungil a omerellel me ngmle beot er a rechad el mo er ngii. Ngdirrek el mle bekeu el ouchais er a rechad er a klemerang el kirel a Jehovah.

A Jesus a mirruul a ungil engdi a rechad a uluuketui er ngii. 1 Petrus 2:21-24

A Jesus a dirrek el ulemekungil er a resmecher e ullekiis er a rebebil er a kodall.

Tirke el mengeteklel a klechelid a kmal uluuketui er a Jesus e le ngii el mle sebechel el ouchais er a rechad el kirel aike el klsuul el osisecheklir me a chebirukel el omerellir.

A remengeteklel a klechelid a milengesuseu er a rechad er a Rom el mo mengelebed er a Jesus e dirrek el mekodir.