A NGER ER AIKE EL KER ER A BIBLIA

Ngera uchul me ngdiak a kmal budech er a beluulechad?

A Biblia a ocholt er kid a eru el uchul. A kot a kmo, alta rechad a mla remuul a kmal ungil el tekoi, engdi te dimlak lobeob el ngar er ngii a klisichir el di tir el lomekrael er tir. E a ongerung a kmo, aike el loruul a rechad a di diak el sebechel mo tmaut e le “a beluulchad el rokir a ngar eungel Ngikel Mekngit,” el Satan el Diabelong. Me a leuaisei, aike el tekoi el loruul a rechad a dirkak bo el sebechel kutmeklii a budech er a beluulechad.​—Monguiu er a Jeremia 10:23; 1 Johanes 5:19.

A rechad el melatk er a di tir me aike el sorir a dirrek el uchul me ngdiak a kmal budech er a beluulechad. Ngdi ta el kabelment el ngii a olisechakl er a rechad el mo betik a rengrir er a llemalt e kaukerreu er a delongelir a mo kutmeklii a budech er a beluulechad.​—Monguiu er a Isaia 32:17; 48:18, 22.

Ngtechang a mo kutmeklii a budech er a chutem?

Ngike el Kot el Ngarbab el Dios a tilbir el kmo ngmo kutmeklii a di ta el kabelment el mo mengedereder er a rokui el chad. Tiang a mo mtechei a rokui el kabelment er a rechad. (Daniel 2:44) Ngar cheungel a omengederederel a Ngelekel a Dios el Jesus e ngmo er ngii a budech. Ngmo choroid a mekngit er tia el chutem e mo olisechakl er a rechad a rolel a budech.​—Monguiu er a Isaia 9:6, 7; 11:4, 9.

Ngar er a cheungel a ulekrael er a Jesus, e a remiliol el meliuekl er a beluulechad a ousbech er a Tekingel a Dios el Biblia, el olisechakl er a rechad el mo budech a delongelir tir me a rebebil. Ngdi kmedung e ngmo er ngii a budech er a beluulechad el rokir.​—Monguiu er a Isaia 2:3, 4; 54:13.