A Nger Er Aike El Ker Er A Biblia

Ngua ngera el chad a Dios?

A Dios a diak el meues a bedengel. Ngmilebii a eanged, beluulechad, me a rokui el di ngar. Ngdimlak a chad el mebii a Dios, e le ngdiak a uchelel. (Psalm 90:2) A Dios a soal a rechad a losiik er ngii e bo lodengelii a klemerang el kirel.​—Monguiu er a Rellir 17:24-27.

A Dios a chad el sebeched el mo medengelii lokiu a ngklel. Ngsebeched el mo medengei a bebil er a blekerdelel sel dolebedebek aike el leriruul. (Rom 1:20) Engdi a bo dungil el medengelii a Dios, e ngkired el mesuub er a Tekingel el Biblia. E tiang a ngosukid el mo medengelii a blekerdelel el bltikerreng.​—Monguiu er a Psalm 103:7-10.

Ngua ngera uldesuel a Dios el kirel a chelebirukel el omeruul?

Ngike el Ulemeob er kid el Jehovah a ouketui a chelebirukel. Ngulemeob er a rechad el di uai ngii. (Duteronomi 25:16) Sei a uchul me a oumesingd er kid a ouketui a chelebirukel. Aika el chelebirukel el meliuekl er kid a diak el omerellel a Dios. A Dios a milsterir a rechad a ilmokl el melilt a tekoi. Ngklengiterreng, e le rebetok el chad a ousbech er a ilmeklir el melilt a tekoi er a mekngit el rolel e meruul a chelebirukel. Me ngkmal “mekngte rengul” a Jehovah.​—Monguiu er a Genesis 6:5, 6; Duteronomi 32:4, 5.

A Jehovah a betik a rengul er a llemalt, me ngdiak el kengei a chelebirukel el omeruul me lolemolem el diak a ulebengelel. (Psalm 37:28, 29) A Biblia a tibir el kmo ngdi kmedung e a Dios a mo torrob a rokui el chelebirukel el omeruul.​—Monguiu er a 2 Petrus 3:7-9, 13.