A Biblia Olisechakl el Babier—A Kot el Dousbech er Ngii er a Omesubel a Biblia
1. Ngmo ua ngerang a usbechel a Biblia Olisechakl el babier?
1 Ngmera el uchul a klou el deuil a rengud a lebo er ngii a babier er kid el Ngerang Mera el Lolisechakl a Biblia? el ngar er a tekoi er a Belau! Ngmekera bo dousbech er tia el beches el dongu er a osisechakl? Ngmleketmokl el moktek er ngii a mle kirel el mo kot el ngaruchei el babier el dousbech er ngii el kirel a omesubel a Biblia. A remla mo omerk er a klumech el ngar er a ongdibel a lolisiich er tir el rokui el mo mereched el lousbech er tia el babier el mo omuchel e melemolem a omesubel a Biblia el obengterir a rechad.
2. Ngmekerang a sekutaberreng a lengesukid el mo melib a uldesued el kmo ngoingerang e ngungil el doleiuul a omesuub el mo ousbech er a Biblia Olisechakl el babier?
2 A Remesuub a Biblia er a Chelechang: A remla mo omerk er a klumech el chelecha el taem e te mesuub el lobengterir a rechad el lousbech er a Kiei el mo Cherechar el babier me a lechub e tousbech er a Doruul el babier a kirir el mo oba sekutaberreng e mo omes el kmo te mekerang e oingerang e ngungil el bo leiuul el mo ousbech er tia el beches el babier er a chelsel a omesubir. A lsekum a omesuub a dirk ulemuchel, e ngsebechem el di omuchel er a uchelel tia el beches el babier. Me a lsekum a omesuub a mla olengeriakl el lousbech er a Kiei el mo Cherechar el babier, e ngsebechem el mo melemolem er a omesuub el ngar er aike el bliongel el mesaod a osisiu el suobel el ngar er a chelsel a Biblia Olisechakl el babier. Engdi a lsekum ko mocha er a ulebengelel a Kiei el mo Cherechar el babier, e ngbai locha soam el rokir a omesubel tia el babier el mo er a ulebengelel.
3. Te rua techang a sebechir el mo ngmai a klungiolir el loeak a omesubel a Biblia Olisechakl el babier?
3 Kede ulterekokl el rokui el medengelterir a rebetok el chad el sebechir el mo ngmai a klungiolir er a omesubel tia el Biblia Olisechakl el babier. Ngera me ngdiak bai bo momes er tir e molekoi er tir el kirel a blechebech el omesubel a Biblia el lousbech er tia el babier? El ua tiang, tirke el chad el mla suubii a Doruul el babier me a lechub a Kiei el mo Cherechar el babier, engdi ngdimlak lolengeriakl el mo er a telbilel a reng me a techolb a locha sorir el lmuut el mo melemolem a omesubir el lousbech er tia el beches el babier. Me a lechub e a ruungalek el chad a locha mo tibir el mo ousbech er tia el babier sel lolasem el olisechakl a melemalt el klemedengei el kirel a moktek er a Dios el mo er a rengelekir.—Kol. 1:9, 10.
4. Kede oba ulterekokl el reng el kirel a ngerang?
4 Kede oba ulterekokl el reng el kmo a Biblia Olisechakl el babier a kmal mo mesisiich el dongu el dobang er a chimad el meruul er tia el ureor er a omeruul el disaiplo.—Mt. 28:19, 20.