A Biblia—A Klisichel er a Chelsel a Klengar er Kau
A Biblia a mla melisiich er a rebetok el miliol el chad el mo melodech er a klengar er tir el mo ungil. Ngera bebil er a omellach er a Biblia, el sel doltirakl, e ngsebechel el ngosukid el mo outekangel a mondai er a chelecha el sils? Ke ulterekokl el mo dmeu a rengum el metik er a nger er tia el ker sel momes er a The Bible—Its Power in Your Life, el ongeru el video el debetik er ngii er sel DVD el The Bible—A Book of Fact and Prophecy. A uriul er a omesa tiang, e ngsebechem el onger aika el ker?
(1) Ngera uchul me ngsebeched el melekoi el kmo a Biblia a diak el di el ta er a kmal ungil el babier? (Heb. 4:12) (2) A lsekum a Biblia a sebechel el ngosuterir a rechad el mo remuul a klengar er tir el mo ungil, e ngera me a klechad a kmal betok a mondai er ngii? (3) Ngerang a dai er a Biblia? (4) Ngera bebil er a bades er a Biblia el meldung er tia el DVD el sebechel el ngosuterir a rekaubuch el chad el mo (a) melisiich a cheldecheduch er a delongelir e (b) omtebechel a ngasecherreng er tir? (5) Ngmekerang a osengel a Kristiano el kirel a chebechiil e lengedechii a blekerdelel a telungalek el mo ungil? (Efe. 5:28, 29) (6) Ngmekerang a Jehovah a lebecherei a cherrungel el kerebai el kirir a rechedam me a rechedil? (Mk. 1:9-11) (7) Te mekerang a rechedam me a rechedil a lerellii a omengull el telungalek er tir el mo uchul a klemeriarreng? (8) A Tekingel a Dios ngmelisiich er a rechedam me a rechedil el mo meruul a ngerang el obengterir a rengelekir er a bai di losuub a Biblia? (9) Ngmekerang a ulekrael er a Biblia e sebechel el ngosuir a telungalek el mo meduch el ousbech a ududir? (10) Sel lemutaut, e ngera el omellach er a Bades el kirel a tekoi er a omengikiid, mekngit el kar me a mekngit el usbechel a rrom, me a stress a sebechel el ngosukid el mengesadel a sechered? (11) Ngera el iaksok er a Biblia a sebechel el ngosukid? (Job 33:25; Psa. 145:16) (12) Ngmekerang a osisecheklel a Tekingel a Dios a ngar er ngii a bla lengedechii er a klengar er kau? (13) Ngmekerang a omousbech er tia el video el ngosuterir a rebebil?